Þægilegur sigur í úrslitum

Undankeppni VMA fyrir Gettu betur fór fram síðdegis. Þar unnu Rósa Ingibjörg Tómasdóttir og Friðrik Gunnarsson nokkuð öruggan sigur á Magnúsi Erni Valssyni og Stefáni Loga Grímssyni í úrslitarimmu í keppni sem var nokkuð þung á köflum.

Eftir keppnina var síðan skipað í lið VMA fyrir Gettu betur-keppnina sjálfa sem hefst um miðjan janúar. Rósa, Magnús Örn og Stefán Logi munu keppa fyrir hönd skólans en Friðrik verður til taks ef einhver skyldi heltast úr lestinni.


Rósa og Friðrik fengu miða á jólahlaðborðið í verðlaun fyrir sigurinn.

Þórduna vill þakka þeim sem að keppninni komu fyrir sitt framlag og óskar liðinu góðrar lukku í framhaldinu.